2016-08-10

THE TRIKITEENS SAN FERMINETAN EMANDAKO DANTZALDIAN!!!
IKARAGARRIA!! ESKERRIK ASKO IRUÑEA!!

2016-07-05

[despedida de ASIER AZPILIKUETAren agurra]


LASTER THE TRIKITEENS TALDEKO OIHULARIA IZATEARI UTZIKO DIODALA-ETA ESKER ONA HELARAZI NAHI DIET BIDEAN TOPATU DITUDAN GUZTIEI

Me quedan cuatro conciertos con Trikiteens Musika Taldea. Literal. Iruñea (6 de julio), Agoitz (14 agosto), Burlata (18 de agosto) y Ziordia (10 de septiembre). Y bueno, como el del día del txupinazo va a ser el último que yo dé en esta capital (txikita y apañada), pues voy a aprovechar para dar las gracias a todas aquellas personas a las que me encontrado en el camino durante los últimos siete años.

Yo me apeo, pero el tren de The Trikiteens sigue a toda máquina, eh!! Que no se despiste nadie.

NOS VEMOS EL 6 DE JULIO, A LAS 21:00, EN LA PLAZA DE SAN JOSÉ.

- Lehenik eta behin, mila-mila esker, noski, Txetxo Ramos eta Oskar Bariain Urrestarazu ri, nirekin batera The Trikiteens asmatuta trikipoteo maratonianoak 6 orduko kontzertu emanaldi labur bilakatzeagatik. Eta ehunka une gozagarri emateagatik.
- Mila esker Xabi Asa trikitilariari farandularen munduan sartu ninduen panderoa jotzen irakasteagatik.
- Mila esker Txari Eleta Villabona eta Maite Lanpreabe kantariei, 2009ko irailaren 29ko Onki Xin Taberna ko gure lehen kontzertuan triki ta pandero soinu xumeari beren ahotsen kolorea emateagatik.
- Mila esker Elena de Miguel eta Jara Calvo lagunei, taldetxoa sortzeko animoak emateagatik.
- Mila esker Mikel Erbiti ri hasierako kontzertuetan soilik kaja zuen bateria bat jotzeagatik.
- Mila esker Lorea Díez eta Rubén Pascual Ugalde zale amorratuei gure lehenbiziko kontzertuetan beren artean lehiatzeagatik (gure kontzertu gehiagotara nor agertuko eta nork lagun gehiago ekarriko).
- Mila esker SDRC Alegría de Iruña KKAE eta Peña Oberena ko bazkideei, gure lehenbiziko entseguen matraka jasateagatik.
- Mila esker (bakarrik) gure bigarren kontzertuan parte hartu zuten Haizeari eta haren ahots goxoari.
- Mila esker Maider Teruel kantari bikainari, triki-patxangaren munduan sartzen ausartzeagatik.
- Mila esker Alberto baxu jotzaileari, bere baxu metaleroarekin gure infernuko erritmoari ahal moduan segitzen saiatzeagatik.
- Mila esker Beñat Lopez Rubio bateria jotzaileari, gure bideari fundamentu musikal pixka bat jartzeagatik eta (baita) kalejiretan (ere) pedal bikoitzadun bonboa erabiltzeagatik.
- Mila esker Maria Goñi artista plastikoari, dutxan kantatzetik eszenatoki gainean kantatzera jauzia emateagatik.
- Mila esker Sebas Catena gitarra jotzaile handiari, gitarra pixka batean aparkatu eta esku artean baxua hartzeagatik, eta (zorionez!) aurrerago berriz ere gitarraren soinuekin The Trikiteens goitik behera janzteagatik!!
- Mila esker Naiara Fuentemilla kantariari taldeari indarra emateagatik.
- Mila esker Julen Leuza Izkue ri aspaldiko kontzerturen batean tronpetarekin eta albokarekin gure betiko kantei bertze kolore bat emateagatik.
- Mila esker Muthiko Alaiak en balkoiari.
- Mila esker Berriozarko eta Biurdana BHI ko ikasleei eta ikasle ohiei, gure kontzertuetan gutxieneko ikusle kopuru bat ziurtatzeagatik.
- Mila esker 2010eko Parisko Eskual Etxeko kontzertu gogoangarriraino jarraitu gintuzten lagunei, Garazi Urritza eta Paula Jungituri, Asier Txakon eta Iratxeri.
- Mila esker Josu Santesteban argazkilariari, fotografietan bederen primerako taldea garela erakusteagatik.
- Mila esker Amaia Olano kantariari bere ahots ikaragarriarekin nire erdipurdiko ahotsa gidatzeagatik.
- Mila esker gure kontzertuei lehen mailako soinu eta argiak jarri dizkiezuen teknikariei, batez eta gurekin urteak eman zituzten Aldeas Sonoras koei eta azken hilabeteetako Lur Soinu koei.
- Mila esker La Guru Ktna de Diez eta Las Valium eko gainontzeko kideei, punk-rockak eta triki-rockak toki berean egoterik dutela erakusteagatik.
- Mila esker Vidrio Eta Otxoa ri.
- Mila esker zuzeneko musika emanaldiak antolatzen dituzuen tabernei.
- Mila esker Koldo Ezkerra ri gure taldetxoari seriotasuna eta fundamentu pixka bat emateagatik. A! Ta baxua bikain jotzeagatik ere bai!
- Mila esker Iñaki Sagardoi ri gure orain arteko kanta bakarra grabatzeagatik. (Abiadura Handiko Tartak, gogoratzen?)
- Mila esker Pijus Mag Nerea ri, han eta hemen, guretako kontzertuak antolatzeagatik, batez ere Terminal Iruñea ko urte bukaeretakoengatik.
- Mila esker Iruñeko peñei, Iruñeko auzoetako jai batzordeei eta, oro har, Gora Iruñea n biltzen diren elkarteei gure esparru naturala izan diren bestak, jaialdiak eta kontzertuak antolatzeagatik.
- Mila esker gu bezalako taldeen aldeko apostua egiten duten Nafarroako udal, kontzeju eta kultur elkarteei.
- Mila esker Asier Agirre Aranguren bateria jotzaileari, erabateko lasaitasuna existitzen dela eta lasaitasun horrek bateria jotzen duela erakusteagatik.
- Mila esker gure dozenaka emanaldi irentsi dituzuen zaleoi: Irati Ruiz, Katrin Zugasti Arrosagaray eta Itxaso Martinez; Martolon Tolon, Julen Aldaz eta Reitx Arjol; Ainara Ortega; Iñigo Juango Arteaga ...
- Mila esker Maite Alzorriz i entseatzeko txoko polit bat uzteagatik, eta seme-alabekin batera kontzertu askotara-askotara etortzeagatik.
- Mila esker Lohitzune Berastegi soinujole apartari, Trikiteensen kalitatea koxka bat gehiago igotzeagatik.
- Mila esker Irune Goñi kantariari, hainbat kontzertuan gure taldearen adinaren batez bertzekoa nabarmen jaisteagatik.
- Mila esker jotzeko nire estilo bortitz samarra dela-eta azken urteetan hautsi ditudan pandero guztiei.
- Mila esker Urko Milagro Abarzuza ri, garai batean gure zenbait kontzertutan bateria jotzeagatik eta orain nik utziko dudan tokia hartzeagatik.

- Mila esker zerrenda luze honetan egon beharko zenuketen, baina nire memoria eskasa dela-eta ez zaudeten guzti-guztiei.

- Mila esker Trikiteens Musika Taldea ren telefonora deitzen segituko duzuenoi.

- Eta jakina, jakina, jakina… MILA ESKER Dalia Rosagarai ri, Oierri eta Unairi nire ausentziei maitasunez eusteagatik.

Agur eta ikusi arte! Muxuak guziendako!

asier azpilikueta

2016-05-17

The Trikiteens taldeak Gipuzkoarako jauzia eginen du

Gutxitan mugitu da The Trikiteens bere eremu naturaletik kanpo, Nafarroatik kanpo, alegia. Ondoko probintzian, Gipuzkoan, behin baino ez dugu jo; Donostiako Aste Nagusian. Eta bigarren kontzertua larunbat honetan izanen dugu, Antzuolan. Ez galdu, gero!

2016-04-27

Sanduzelaiko jaiak pasa eta gero, Galar eta Txantrearen txanda da!!!
GALAR: Ostirala 29
TXANTREA: Larunbata 30 (Armonia peñaren plazan)


 

2016-04-20



Ostirala honetan, 2016-04-22, THE TRIKITEENS musika taldea Sanduzelaiko jaietan egongo gara 23:30tik aurrera!!! Beti bezala gonbidatuta zaudete parrandara!!
Este viernes, 2016-04-22, THE TRIKITEENS musika taldea estaremos en Fiestas de San Jorge a partir de las 23:30!!! Como siempre, todos invitaos a la parranda!!

2016-01-18

Lohitzune aroaren lehenbiziko kontzertua Atarrabiako Totem aretoan, urtarrilaren 30ean

2015 urtea bukatzearekin batera, Oskar Bariainek, hasieratik The Trikiteens taldean egon den soinujoleak, taldea utzi du. Eta haren tokia hartu du Lohitzune Berastegik.

Egiaren aitortzeko, Lohitzunek dagoeneko egina du debuta The Trikiteensekin. Azaroaren 29an egin zuen, Iruñeko Egunaren karietara Gora Iruñea!-k Labriten antolatu zuen jaialdian. Orduko kontzertu hura prestatzeko oso denbora gutxi izan zuen Lohitzunek eta ezin zuen berritasunik sartu.

Gure hurrengo kontzertua 2016ko urtarrilaren 30ean izanen da eta horixe bai izanen delea Lohitzune aroaren estreinakoa. Denbora gehiago izan dugu berarekin kanta eta moldaketa berriak lantzeko eta espero dugu Totemeko kontzertuan hori guztia nozitzea.





2015-10-04